De Insuln

(Op Platt översett vun Hans-Jürgen Mewes un sie Fruu ut Ramstedt)

Neben de groten nordfriesischen Insuln Sylt, Föhr un Amrum, gehören ok Pellworm un Nordstrand to dat „Schimmelrieder-Land“.

Disse Insuln hem sick wietgohend bildet ut Reste vun´t ehemolige Fastland. Bi schwore Stormfloten in´t Middelöller is dat Water över die Küstenlinie hinut bit wiet in dat Landesinnere indrung. Dorbie sünd grote Deele vun de Küst överflotet worn.Blos noch de Gebiete, de höher ling, kieken noch hüt as Insuln ut Water rut.

Bi disse Stormfloten sünd vör eenige hunderte vun Johren veele dusend Minschen um dat Leven kohmen.
De Insul (Halvinsul) Nordstrand is över een Damm mit Auto to jede Tiet to erreichen. De Överfohrt no Pellworm duurt vun  Nordstrand ut een dreeviertel Stünn mit de Fähr.

Pellworm is woll de Insul in de Nordsee, de am meisten gefährdet is. Se licht een Meter ünner de Meeresspegel. Schull de 8 Meter hohe Diek breken, löpt se vull, denn ward ut Pellworm een grote Bodewann.

Veeles erinnert op disse Insul an torüchlingende Tieden, an de grote Stormflot vun 1634.

Domols is de grote Insul Strand ünnergohn, de Reste dorvun sünd Pellworm un Nordstrand. In de Karken vun de beiden Insuln sünd noch Döpbecken un Altare ut de ünnergohne Karken.